Apney Ehsaas Say Choo Kar Mujhey Sandal Kardo
Main Keh Sadyoon Say Adhoora Hoon Mukammal Kardo
Na Tumhain Hosh Rahay Aur Na Mujhey Hosh Rahey
Is Qadar Toot Kay Chaho Mujhey Pagal Kardo
Tum Hathailee Ko Merey Pyar Ki Mehndi Say Rango
Apni Ankhoon Main Merey Naam Ka Kajal Kardo
Us Kay Saye Main Merey Khwaab Dehek Uthain Gey
Merey Cherey Pay Chamakta Huwa Anchal Kardo
Dhoop Hi Dhoop Ho Mein Toot Kay Barso Mujh Par
Is Qadar Barso Meri Rooh Main Jal Thal Kardo
Jaisay Sehraon Main Har Sham Hawa Chalti Hain
Is Tarah Mujh Main Chalo Aur Mujhey Thal Kardo
Tum Chupa Lo Mera Dil Ouut Mein Apney Dil Ki
Aur Mujhey Meri Nigahoon Say Bhi Ojhal Kardo
Masala Ho To Nigahain Na Churao Mujh Say
Apni Chaahat Sey Tawaja Sey Mujhey Hal Kardo
Apney Gham Say Kaho Har Waqt Merey Saath Rahay
Aik Ehsaan Karo Us Ko Musalsal Kardo
Mujh Pey Cha Jao Kissi Aag Ki Soorat Jana
Aur Meri Zaat Ko Sookha Huwa Jungle Kardo
Thanks for visiting my web site. Adnan Ijaz
