chaand maddham hai aasmaan chup hai
chaand maddham hai aasmaan chup hai
nind ki goad main jahaan chup hai

duur vaadii main duudhiyaa baadaal
jhuk ke parbatko pyaar karate hain
dil main naakaam hasaraten lekar
ham teraa intazaar karate hain

in bahaaron ke saaye main aa jaa
phir mohabbat javaan rahe na rahe
zindagii tere naa-muraadon par
kal talak meharabaan rahe na rahe

roz kii tarah aaj bhii taare
subah kii gard main na kho jaayain
aa tere Gam main jaagatii aankhen
kam se kam ek raat so jaayen

chaand maddham hai aasmaan chup hai
nind ki goad main jahaan chup hai
Design By: Adnan Ijaz
Visitors
    ¯
@dn@n ij@z........
Thanks for visiting my web site.          Adnan Ijaz